ការជេរជាភ្លេីងទោសៈដែលកំពុងឆេះនៅក្នុងចិត្ត!
បេីមានមនុស្សជេរយេីង ដៀលយេីង; ឲ្យគេជេរយេីង ដៀលយេីងទៅចុះ តែកំុជេរតប; កុំដៀលគេទៅវិញ។ យេីងនឹងមិនដាក់ខ្លួនយេីងឲ្យទាបស្មេីនិងគេ។ ពេលណាយេីងជេរគេ យេីងក៏មិនខុសពីគេដែរ។ ពេលណាយេីងជេរគេ យេីងកំពុងដាក់ខ្លួនយេីងឲ្យទាបស្មេីនិងគេ។ យេីងត្រូវតែធ្វេីខ្លួនយេីងឲ្យល្អជាងគេជានិច្ច គឺកាន់ភ្ជាប់នូវសេចក្តីស្ងប់; គឺត្រូវមានសតិជាប់នៅនិងខ្លួនជានិច្ច; ត្រូវមានមេត្តាធម៌ ហេីយនិងខន្តី ទេីបឈ្នះហិង្សា។ ត្រូវតាំងចិត្តឲ្យមាំទេីបឈ្នះពួកមារ; បេីយេីងចិត្តទន់ យេីងនឹងចាញ់ពួកមារជាពុំខាន។
ការជេរគឺជាកំហឹង(ទោសៈ); ទោសៈគឺជាកិលេស; កិលេសគឺជាទុក្ខ។ មនុស្សដែលមានកិលេសគឺជាមុស្សដែលមានអកុសលចិត្ត; មនុស្សដែលមានអកុសលចិត្ត គឺជាមនុស្សចិត្តអាក្រក់; មនុស្សដែលមានចិត្តអាក្រក់ គឺជាមនុស្សដែលបានសាងអំពេីបាបជាច្រេីនជាតិទុកមកហេីយ។
ការខឹងឬកំហឹងគឺជាភ្លេីងដែលកំពុងឆេះយា៉ងខ្លាំងនៅក្នុងចិត្តមនុស្ស។ មនុស្សដែលជេរ ជឿថាពេលជេរអ្នកដទៃរួចហេីយនឹងធ្វេីឲ្យកំហឹងរបស់ខ្លួនរំសាយអស់ ប៉ុន្តែការជេរប្រៀបបាននិងការបោះដំុភ្លេីងយា៉ងក្ដៅមួយដុំទៅឲ្យអ្នកដទៃចាប់ តែខ្ទាតមកត្រូវខ្លួនឯងវិញ នៅពេលអ្នកដទៃមិនចាប់ដុំភ្លេីងនោះ។
ការជេរមិនត្រឹមតែធ្វេីឲ្យអ្នកដទៃឈឺចាប់ទេ វាថែមទាំងធ្វេីឲ្យខ្លួនយេីងឈឺចាប់យា៉ងខ្លាំង ហេីយអាចធ្វេីឲ្យខ្លួនយេីងវិនាសបានទៀតផង បេីសិនជាអ្នកដទៃមិនខឹងនិងយេីងឬមិនធ្វេីប្រតិកម្មតបនិងយេីង។ វានឹងធ្វេីឲ្យយេីងរឹតតែមានការឈឺចាប់ កេីតទុក្ខអន្ទះអន្ទែងកាន់តែខ្លាំងឡេីងៗ ព្រោះយេីងយល់ថាការជេររបស់យេីងមិនបានទៅដល់អ្នកនោះ។ យេីងនឹងរកគ្រប់មធ្យោបាយដេីម្បីធ្វេីឲ្យអ្នកដទៃមានប្រតិកម្មតប ដោយអាចប្រេីហិង្សាធ្វេីឲ្យអ្នកដទៃឈឺចាប់រាងកាយផងដែរ ដែលនឹងបណ្ដាលឲ្យយេីងមានទុក្ខទោសកាន់តែខ្លាំងឡេីយរហូតអស់មួយជីវិត។
Comments